Արարատի տարածաշրջանային պետական քոլեջի Ուսանողական խորհուրդը քոլեջի ուսանողության ներկայացուցչական, ինքնավարության, ինքնակառավարման և նրա շահերը ներկայացնող ընտրովի մարմին է, որն իր գործունեությունն իրականացնում է իր կանոնադրությանն ու աշխատակարգին համաձայն։
Արարատի տարածաշրջանային պետական քոլեջի Ուսանողական խորհուրդը ձևավորվել է 2012 թվականին։
Ստեղծման օրվանից ի վեր Ուսանողական խորհուրդի անցած ձեռքբերումների, նվաճումների ու շարունակական բարեփոխումների ճանապարհը նրան դարձրել են սիրված ու վստահված՝ արժանացնելով ուսանողների և տարածաշրջանում գործող այլ երիտասարդական կառույցների կողմից բարձր գնահատականի։
Հանդիսանալով երիտասարդական կառույց՝ հիմնադրումից մինչ օրս Ուսանողական խորհրդի խնդիրն է եղել ստեղծել այնպիսի կրթական միջավայր, որը կնպաստի տարածաշրջանի երիտասարդության զարգացմանը։
Ուսանողական խորհրդի նպատակը քոլեջի ուսանողական ոլորտում գոյություն ունեցող հիմնախնդիրներին սերտորեն առնչվելն ու այս բնագավառում կատարվող իրադարձությունների մասին առաջինը տեղեկանալն է։ Ուսանողական խորհուրդը քոլեջի կառավարման համապատասխան մարմինների քննարկմանն է ներկայացնում ուսանողությանը առնչվող հարցեր, ինչպես նաև ապահովում ուսանողների մասնակցությունը իրենց առնչվող որոշմների ընդունման մեջ։
Տարիների ընթացքում Ուսանողական խորհուրդը դարձել է այն իրական գործող հարթակը, որտեղ ցանկացած ուսանող կարող է գտնել իրեն հուզող հարցերի լուծման ուղիները, արտահայտել սեփական կարծիքն ու դիրքորոշումները։
Ուսանողական խորհուրդը տարեցտարի ավելի ընդգրկուն է դարձնում իր ծրագրերի շրջանակը և ձեռնամուխ է լինում նորարարությունների, որոնց մասին ակնառու խոսում են Ուսանողական խորհրդի ավելի լայնածավալ դառնող աշխատանքները։
Քոլեջի Ուսանողական խորհրդին կից Բանավեճի ակումբը հաղթանակել է 2022թ-ի փետրվարի 20-ին և 22-ին տեղի ունեցած «Երիտասարդությունը ներգրավված հասարակության մեջ» Youth Engaged in Society – Yes ծրագրի բանավեճի հանրապետական մրցարշարում։
Ուսանողական խորհրդի լրիվ անվանումն է` հայերեն` Արարատի տարածաշրջանային պետական քոլեջի Ուսանողական խորհուրդ, ռուսերեն՝ Студенческий совет Араратского регионального государственного колледжа, անգլերեն` Student Council of Ararat Regional State College, հասցեն է՝ քաղաք Արտաշատ, Աթարբեկյան 156, Արարատի տարածաշրջանային պետական քոլեջ։